Дневен престој
Royal kids house организира Дневен престој за сите ученици од прво до петто одделение кој се реализира според изготвен Наставен план и програма и се одвива секој наставен ден.
Програма
за дневен престој во Royal Kids House
Современиот начин на живот за сѐ поголем број родители ја наметнува потребата за грижа за детето по завршување на редовните часови. Домот често го изложува детето на многу опасности, а стравот и загриженоста на родителите на детето во текот на работниот ден ја наметнуваат потребата за организирана грижа за децата.
За време на Дневниот престој учениците ги изработуваат домашните задачи, го повторуваат наставниот материјал, се надоградуваат со нови знаења, работат на компјутери, имаат слободни ученички активности (игри, ликовно, музичко, физичко и здравстврно образование и сл.) учествуваат во културно-уметнички настани, имаат организирани прошетки и посети на културни објекти и знаменитости и други активности.
Продолжената настава и учењето, како организација во која ученикот покрај учењето ќе се чувствува слободен, работејќи со своите другари. Учениците треба да го почувствуваат Дневниот престој како организирана хармонична целина за работа-учење, творење, дружење, одмор, забава, во амбиент кој во многу се разликува од амбиентот во кој се изведува наставата и другите училишни активности, а кој се доближува до родителскиот дом.
Цел и задачи на дневниот престој
- Хармоничен, интелектуален и социјален развој на учениците соодветно со нивните способности
- Развој на психичките способности кај учениците (слушање, помнење, мислење, набљудување)
- Развивање на самодоверба и свест кај ученикот за сопствена индивидуалност и одговорност за своите постапки
- Обработка на домашните задачи
- Насочување, мотивирање и поттикнување на поодделни ученици кои имаат потешкотии во совладувањето на одделни наставни содржини
- Изработка на пообемни и посложени задачи за учениците кои без потешкотии ги совладуваат наставните содржини
- Дополнување на наставните содржини
- Мотивирање на учениците за меѓусебна помош во учењето
- Развој на способност за тимска работа и работа во група
Работа со ученици
Во дневниот престој учениците се вклопуваат со согласност од родителот.
Децата во дневниот престој се запознаваат со правилата на однесување кои треба да се почитуваат, се запознаваат со основните хигиенски услови и навики. Се одржува личната хигиена и естетскиот изглед на работните и помошните простории како и околината на дневниот престој.
Работата на учениците во дневниот престој се изведува со зададени цели и задачи според ориентациониот план на дневните активности на учениците.
Училишни активности
Работата со учениците се состои во:
- изработка на домашни задачи,
- повторување на наставниот материјал изучен во текот на училишниот ден, дополнување и проширување на наставно-воспитни содржини,
- проверка на домашните задачи,
- вежби и
- проверка на знаењата.
Улогата на наставникот за време на учењето се состои во:
- вршење на контрола,
- одржување на редот и дисциплината,
- укажување на учениците за самостојна изработка на домашните задачи и учењето на лекциите,
- како и нивно оспособување за самостојно проверување на изработеното и наученото.
Слободни активности
Слободните активности се збир од најразлични видови активности каде што доаѓа до израз слободата на личниот избор на учениците. Овие активности најчесто се оформуваат по желба на учениците, но сепак мотивирани и поттикнати од наставникот. Целта на слободните активности е преку нив учениците да се одмараат, релаксираат и опуштаат. Со дозвола тие сами да одберат со какви активности ќе се занимаваат им се дава до знаење дека Дневниот престој е место различно од наставата, дека тука можат да си играат, да се забавуваат, да го продлабочуваат меѓусебното другарување и почитување. Но, слободните активности се реализираат и преку изучување на интересни содржини, стекнување навики и добро воспитување.
Овие активности се усмерени каде слободата доаѓа до израз со личниот избор на ученикот. За поуспешно остварување на целите и задачите овие активности се организираат по области:
- Здравствено – физичко подрачје,
- Музичко подрачје,
- Научно-техничко подрачје,
- Естетско- уметничко подрачје и
- Опшествено-политичко подрачје.
Возрасти
