За нас

Им помагаме на детските умови во своето обликување преку забавни и едуактивни активности.

Нашите почетоци

Нашата Royal – приказна започна со мотив и инспирација за создавање на нешто ново, каде што низ игра, забава и дружење децата ќе стекнат вештини кои имаат особено значење во воведот и текот на образовниот процес.

Се започна од почетокот на 2022 година, кога како дипломирани педагози и психолози настапивме со голем ентузијазам и желба за вложување во детскиот раст и развој.

Креативноста беше наш двигател и насочувач во планирањето и постигнувањето на поставените цели. Со користење на методи и техники од најрано детство, да стигнеме до дете кое што верува во себе.

Од ден на ден нашето семејство стануваше се побројно и поголемо.

Нашата заедница

Соработката со родителите за нас е од голема важност. Со доаѓањето на детето кај нас, родителите добиваат партнери во воспитувањето на своите деца. Можност за обострана соработка со цел најоптимално насочување на детето. Изготвуваме извештаи, испраќаме фотографии од реализираните работилници и активности, одржувајќи комуникација со родителите на неделно и месечно ниво.

Спроведуваме неделна и месечна комуникација со испраќање на фотографии од реализираните работилници и информации што е сработено.

Користиме забавни стратегии, засновани на истражување за да им помогнеме на децата да развијат вештини за рано учење, како основа на нашата програма за социјално и емоционално учење низ образовниот процес.

Здравје и безбедност

Во Royal Kids House, здравјето и безбедноста на вашето дете се наш главен приоритет. Нашиот центар има строги насоки за чистота и безбедност и ние сме горди што сме препознаени како модел за здравје во нашата држава.

Нашиот дневен центар има сопствен двор, безбеден од сообраќај и претставува привлечен простор опремен со сопствена градина од овошје и зеленчук, со место за игра и рекреација.

Сведоштва

од родители

Викторија

Дали има нешто поубаво и поискрено од среќата и насмевката на една ,*Sвездичка од ,,ројалковци” за која што секојдневието во градинка претставува вистинско уживање – водилка за изборот на нашата градинка е токму тоа.
Јас како родител сум среќна и благодарна за целосната транспарентна услуга, соработка и отворена комуникација од тим на професионалци, еден искусен и посветен кадар со безусловна грижа за децата.

Зошто го препорачувам ,, Royal Kids House” ?
Па тоа е едно совршено интимно катче за секое дете - уникатен спој од забава и учење во безбедна и грижлива средина. Креативни работилници, стекнување со нови вештини низ игра и забава, танцување, изучуваање на англиски јазик, факултативни прошетки во природа, бон тон правила и неизмерна љубов и поддршка за секое дете – се само дел од секојдневието на оваа градинка.

Родителите на Константин

@Royal Kids House направивте одлична работа со тоа што организиравте едно пријатно катче, каде што лицето на секое дете одразува радост и задоволство. Место кое исто така е и првото социјално училиште за децата, место во кое нашите деца се третирани со посебно внимание и топлина во овие важни денови од нивното растење.
Покрај прекрасниот тим од кои се состои Royal Kids House, нашите деца чекор по чекор го учат и спознаваат светот околу нив, радоста на пријателството, креативноста, самостојната активност, ги учат своите први лични можности. Вешто избраните игри и активности, бајки и вежби создаваат магична атмосфера на детството. Секое дете е опкружено со топлина и грижа во ваше присуство. Ви благодариме што постоите 🍀

Родителите на Мика

Royal Kids House е магично место каде што соништата се остваруваат, каде што малите умови стануваат големи мислители. Најдобрите наставнички од Royal Kids House ги учаат нашите деца да се грижат едно за друго, да споделуваат, ги учат насмевката да им биде секогаш на прво место. Royal Kids House е основата на нашите деца за успешна иднина.

Родителите на Хурија

Ние го избравме престојот Royal Kids House за нашето дете затоа што бевме уверени дека се единствени во градот со уникатни активности исполнети со смеа и детски радост и во тоа се уверивме.
Нашето дете тоа го покажува од ден на ден кога раскажува како го поминува денот исполнет со прекрасниот тим 🍀
Ние како родители сме презадоволни.

Децата имаат секојдневни активности, запознати се со основното знаење кое ќе им треба во иднина. Децата се запознати со хуманост што е највредното нешто во својот детски развој кој ќе го споделуваат во животот. Децата се научени да уживаат во својот развој со своите другарчиња со песни и игри и неизмерна среќа🍀
Ние како родители го препорачуваме топло престојот. Бидете и вие дел од задоволните родители 🍀

Родител

Секоја чест за Вашата работа. Во овој престој децата не ги пишуваат само домасните задачи, се надоградуваат и учат уште на многу други полиња. Учат и стекнуваат многу други животни навики и вештини кои може не се поврзани дирекно со училиштето. Мислам дека се што правите во престојот, во иднина ние родителите допрва ќе гледаме резултат на нашите деца.

Родител

Royal Kids House е најдобрата инвестиција која што ние како родители ја направивме за нашето дете. Целосна грижа за личноста на детето, физичкото и психичкото здравје на детето. Врвна и сестрана едукација и воспитување од најдобри едукатори. Најискрена препорака за сите родители Royal Kids House 👑, затоа што го сакаме најдоброто за нашите деца.